Foreldrafélagið Kjarni

Hlutverk foreldrafélagsins:


Við leikskólann Vesturkot er starfandi foreldrafélag sem heitir Kjarni. Félagið er vettvangur fyrir foreldra til að koma og taka þátt í starfi leikskólans. Markmið foreldrafélagsins er að tryggja sem best velferð barna í leikskólanum og fá foreldra til að vera virkir þátttakendur í starfi leikskólans.

Foreldrafélagið tekur þátt í ýmsu því sem fram fer í leikskólanum og utan, s.s. skemmtunum og uppákomum.

Foreldrafélagið beitir þrýstingi sínum ef eitthvað mætti betur fara í leikskólanum t.d. ófullnægjandi húsnæði, leiktæÍki og fleira.

Í starfi félagsins á að ríkja gleði og hvatning og er mikilvægt fyrir allt skólastarf að foreldrar komi að því á einhvern hátt. Það veitir kennurum, leiðbeinendum og öðru starfsfólki skólans hvatningu og aðhald í að gera góðan leikskóla enn betri.

Til að unnt sé að standa straum af kostnaði við þá atburði fyrir nemendurna sem foreldrafélagið styrkir þá eru sendir út gíróseðlar tvisvar sinnum á ári, einn fyrir hvora önn og eru greiddar 2500kr í hvort sinn en aðeins er greitt fyrir 1 barn ef um systkin er að ræða.