Aðlögun í Vesturkoti

Aðlögun í Vesturkoti er oftast í formi þátttökuaðlögunar. Aðlögun er sá tími þegar barnið kynnist starfsmönnum, börnum og húsakynnum leikskólans. Með góðum aðlögunartíma aukast tengslin milli foreldra og starfsmanna og grunnur er lagður að áframhaldandi foreldrasamstarfi.

Aðlögun er höfð í stuttan tíma í byrjun og lengd dag frá degi þannig að barnið nái smám saman að kynnast starfsmönnum og nýju umhverfi, sem við teljum vera nauðsynlegt til að byggja upp öryggiskennd hjá barninu. Aðlögun tekur oftast fjóra til sex daga og lengri tíma ef þörf krefur.

Þessir dagar eru mjög mikilvægir fyrir barnið til að auðvelda því aðskilnaðinn við foreldrana og stuðla að vellíðan þess í leikskólanum. Aðlögunin er ekki einungis fyrir barnið, heldur einnig tækifæri fyrir foreldra til að kynnast starfsmönnum leikskólans, starfinu og öðrum foreldrum. Við vonumst til að foreldrar njóti þess að vera með okkur í leik og starfi á aðlögunartíma barnsins.

Þátttökuaðlögun: Við nýtum þátttökuaðlögun þegar börn eru að koma til okkar á yngri deildirnar en með því teljum við okkur ná betra sambandi og samstarfi við foreldra. Það er mikilvægt fyrir okkur og ykkur að við kynnumst vel en þá aukum við líkur á góðu samstarfi og trausti. Í okkar huga er traust foreldra til okkar mikilvægt og leggjum við grunninn að þessu trausti með þátttökuaðlögun barnanna.


Þátttökuaðlögun: Við nýtum þátttökuaðlögun þegar börn eru að koma til okkar á yngri deildirnar en með því teljum við okkur ná betra sambandi og samstarfi við foreldra. Það er mikilvægt fyrir okkur og ykkur að við kynnumst vel en þá aukum við líkur á góðu samstarfi og trausti. Í okkar huga er traust foreldra til okkar mikilvægt og leggjum við grunninn að þessu trausti með þátttökuaðlögun barnanna.